მცირე ბიზნესის სტატუსი

თუ ხარ მიკრო მეწარმე, სტატუსის ცვლილებისთვის მიყევით შემდეგ ინსტრუქციას:
1. მიკრო მეწარმეს სტატუსის გაუქმება:
სტატუსის ცვლილებისთვის, პირველ რიგში მიკრო სტატუსის გაუქმებაზე უნდა გააგზავნო განცხადება ონლაინ, rs.ge-ზე, შენი ავტორიზირებული ელექტრონული გვერდიდან. მოთხოვნა ძალაში შევა მომენტალურად, აღნიშნული მომსახურება უფასოა
სტატუსის გასაუქმებლად გადადი ლინკზე დააჭირე აქ

გაუქმების შესახებ მიიღებ შეტყობინებას, ამის შემდეგ კი მეორე ნაბიჯზე გადასვლა შეგიძლია?
2. რეგისტრაცია ინდ. მეწარმედ:
შემდეგი ნაბიჯი ინდ. მეწარმედ რეგისტრაციაა. ინდივიდუალურ მეწარმედ რეგისტრაციისთვის მიმართე ნებისმიერ იუსტიციის სახლს ან საჯარო რეესტრის ეროვნულ სააგენტოს ნებისმიერ ტერიტორიულ სამსახურს;
თან იქონიე შემდეგი დოკუმენტები:
– განცხადება (ივსება ადგილზე, ფრონტ ოფისის ოპერატორის მიერ);
– პირადობის დამადასტურებელი დოკუმენტი;
– სარეგისტრაციო მომსახურების საფასურის გადახდა შესაძლებელია ადგილზე. საფასური: ერთი სამუშაო დღის ვადაში – 26 ლარი;
3. მოთხოვნა მცირე ბიზნესის სტატუსის მინიჭებაზე:
ხოლო ბოლო ნაბიჯი, მცირე სტატუსზე მოთხოვნის გაკეთებაა. ამისთვის ონლაინ, rs.ge-ზე, შენი ავტორიზირებული ელექტრონული გვერდიდან, გააგზავნე განცახდება მცირე ბიზნესის სტატუსის მინიჭების მიზნით. განაცხადი მომენტალურად დაფიქსირდება და ძალაში შევა განცხადების მომართვის თვის, მომდევნო თვის პირველი რიცხვიდან მომსახურება უფასოა
მოთხოვნისთვის დააჭირეთ აქ

გაითვალისწინე:იმისთვის რომ მომენტალურად აისახოს შენი ცვლილება, აუცილებელია პროცესები განახორციელო სამუშაო საათებში, 18:00 სთ-მდე.

*თუ არ ხარ მიკრო მეწარმე, მაშინ გამოტოვე პირველი ნაბიჯი
*თუ არ ხარ მიკრო მეწარმე და ხარ ინდ. მეწარმე მაშინ მხოლოდ მესამე ნაბიჯით იხელმძღვანელე, გჭირდება მხოლოდ მცირე ბიზნესის სტატუსზე მოთხოვნის გაკეთება
*თუ ხარ ფიზიკური პირი, გამოტოვე პირველი ნაბიჯი, გჭირდება ინდ. მეწარმედ რეგისტრაცია და შემდეგ მცირეს სტატუსის მოთხოვნა

თუ მცირე ბიზნესის სტატუსზე მოთხოვნას აგვისტოში გააკეთებ, 1 სექტემბრიდან უკვე მცირეს სტატუსით ისარგებლებ, ხოლო თუ სექტემბერში გააკეთებ მოთხოვნას, მაშინ 1 ოქტომბრიდან გახდები მცირე მეწარმე. როგორც ზევით ავღნიშნეთ, განაცხადი მომენტალურად დაფიქსირდება და ძალაში შევა განცხადების მომართვის თვის, მომდევნო თვის პირველი რიცხვიდან.
ასევე გაითვალიწინე: იმისთვის რომ მომენტალურად აისახოს თქვენი ცვლილება, აუცილებელია პროცესები განახორციელოთ სამუშაო საათებში, 18:00 სთ-მდე.

სტატუსის ატვირთვა ამ ეტაპზე საჭირო არ არის, როგორც ავღნიშნეთ მთავარია სტატუსის შეცვლა მოხდეს 1 სექტემბრამდე

იცვლება მხოლოდ კურიერისთვის საჭირო ბიზნეს სტატუსი. დანარჩენი ყველაფერი უცვლელია, მათ შორის ქეშ ქოლექშენი, ნაღდი ფულით გადახდა და ა.შ.

მოგვწერე შენი შეკითხვა აქ, ჩვენ რაც შეიძლება დროულად განვაახლებთ ბლოგს

დააჭირე აქ