რჩევა: გახსოვდეს, მოთხოვნა იცვლება, ამიტომ ის ფაქტი, რომ შეკვეთებს ვერ იღებ, შესაძლოა სულაც არ იყოს დაკავშირებული შენს აპლიკაციასთან.
თუ უკვე გლოვერი ხარ და Glovo-სთან თანამშრომლობ, დაკავშირების საუკეთესო გზა აპლიკაციაა. აპლიკაციაში შენს „პროფილის“ განყოფილებაში დაინახავ ვარიანტს — „დაკავშირება მხარდაჭერის გუნდთან“, რომელიც სხვა ასარჩევ ვარიანტებზე გადაგიყვანს. თითოეული ვარიანტი მორგებულია იმაზე, ასრულებ თუ არა მიმდინარე შეკვეთას და აქვს პრობლემის გადაჭრის უნარი, რათა გლოვერს სწრაფად შესთავაზოს გამოსავალი.
თუ ეჭვობ და არ იცი, რომელი აირჩიო, ქვემოთ გადახედე თითოეული ვარიანტის დეტალურ აღწერასა და განმარტებას, თუ როგორ შეგიძლია Glovo-სთან შენი ურთიერთქმედების ოპტიმიზაცია.
ხელმისაწვდომია აპლიკაციაში შენი „პროფილის“ განყოფილებიდან
“Check in”-ის გაკეთების შეუძლებლობა
აირჩიე ეს ვარიანტი, თუ ვერ ახერხებ “Check in”-ის გაკეთებას წინასწარ დაჯავშნილ საათზე.
შეკვეთების მიუღებლობა
თუ თვლი, რომ შენს აპლიკაციას პრობლემა აქვს და არ გაძლევს შეკვეთების მიღების საშუალებას.
GPS-ის გაუმართაობა
თუ ფიქრობ, რომ GPS-ის არცერთი ვარიანტი არ მუშაობს გამართულად.
რჩევა: შეგიძლია ამ ვებსაიტზე პირდაპირ წაიკითხო სტატია „GPS-ის გაუმართაობაზე“.
დაბლოკილი აპლიკაცია
თუ აპლიკაციასთან დაკავშირებული პრობლემები გაქვს.
რჩევა: შეგიძლია ამ ვებსაიტზე პირდაპირ წაიკითხო სტატია „დაბლოკილ აპლიკაციაზე“.
საათების მოთხოვნა
ეს ინფორმაციის მიღების ვარიანტია, ჩვენი მხარდაჭერის გუნდის აგენტებს არ აქვთ უფლება, საათები მოგცენ და არ შეუძლიათ, საათები დაგიჯავშნონ.
საათების გაუქმება
იმ შემთხვევაში, თუ იმ საათების გაუქმება გსურს, რომლებიც უკვე დაკავებულია.
რჩევა: გახსოვდეს, შეგიძლია შენით გააუქმო საათები, სანამ კალენდარში ღიად ჩანს.
წითელი საათები
თუ შენს კალენდარში წითელ საათებს ხედავ და გსურს, გაიგო ან შეასწორო.
რჩევა: წითელი საათების შესახებ შეგიძლია წაიკითხო აქ.
ინფორმაცია ოფისზე
თუ გაინტერესებს, შენს ქალაქში არსებობს თუ არა ოფისი, სადაც მისვლას შეძლებ.
რჩევა: ამ ინფორმაციის შემოწმება შეგიძლია ამ ვებსაიტზე არსებულ შემდეგ განყოფილებაში — „ინფორმაცია შენს ქალაქზე“.
თანამშრომლობის შეწყვეტა
აირჩიე ეს ვარიანტი, თუ Glovo-სთან სამუდამოდ გსურს თანამშრომლობის შეწყვეტა.
ბონუსები
აირჩიე ეს მიზეზი, თუ ფიქრობ, რომ რაღაც შეცდომაა შენი „წვიმის“, „სიჩქარის“, „მიიტანე მეტი, გამოიმუშავე მეტი“ ან სხვა ტიპის ბონუსებთან დაკავშირებით.
ნაღდ ფულთან დაკავშირებული პროცესები
აირჩიე ეს ვარიანტი, თუ რაიმე გეეჭვება ნაღდ ფულთან დაკავშირებულ პროცესებთან (თანხის განაღდება, ბალანსი და ა.შ.) მიმართებით.
ანგარიშფაქტურა
აირჩიე ეს ვარიანტი, თუ მეტი ინფორმაციის მიღება გსურს შენს ანგარიშფაქტურასა და გადახდაზე, თუ ანგარიშფაქტურის თავიდან გამოგზავნა გჭირდება, ან ანგარიშფაქტურასა ან კონკრეტულ შეკვეთასთან დაკავშირებით ცვლილების განხორციელება გსურს.
რჩევა: ნაღდ ფულსა და ანგარიშფაქტურასთან დაკავშირებულ ნებისმიერ ინფორმაციაზე წვდომა გაქვს ვებსაიტზე (განყოფილება: „გადახდები“).
პერსონალური ინფორმაცია
ამ მიზეზის არჩევა შეგიძლია მაშინ, თუ შენს ანგარიშთან დაკავშირებით რაიმე ინფორმაციის განახლება გსურს (IBAN, ელფოსტა, პაროლი, სურათი, ტრანსპორტი).
დაზღვევა
თუ დაზღვევის შესახებ მეტი ინფორმაცია გჭირდება
რჩევა:ასევე, შეგიძლია ამ ვებსაიტზე არსებულ განყოფილებაში — „შენი უსაფრთხოება“ გაეცნო, როგორ მოქმედებს დაზღვევა
მასალები ან ბარათის პრობლემები
აირჩიე ეს მიზეზი, თუ რაიმე პრობლემა გაქვს შენს ბარათსა ან Glovo-ს აღჭურვილობასთან (მაგალითად, თუ ბარათის PIN დაგავიწყდა, ბარათი დაკარგე ან შენი ზურგჩანთის დაბრუნება გსურს) დაკავშირებით.
რჩევა: თუ Adyen-ის ბარათი გაქვს, PIN-ის დაყენება თავად შეგიძლია აპლიკაციაში, შემდეგზე დაჭერით: „პროფილი“ > „ბარათის პინის ნახვა“.
მასტერ რეიტინგის ქულა და რეკომენდაციები
თუ მეტის გაგება გსურს მასტერ რეიტინგის ქულაზე და როგორ გაუწიო სხვას რეკომენდაცია Glovo-სთან თანამშრომლობისთვის.
რჩევა: შენს მასტერ რეიტინგის ქულაზე ნებისმიერი აუცილებელი ინფორმაციის მიღება შეგიძლია ამ სტატიაში, ხოლო მეგობარს ამ ბმულის მეშვეობით გაუწევ რეკომენდაციას.
ამ ვარიანტებს მხოლოდ მაშინ დაინახავ, თუ მიმდინარე შეკვეთა გაქვს.
SOS
აირჩიე ეს მიზეზი, თუ კრიტიკულ ან სახიფათო სიტუაციაში ხარ. ჩვენი მხარდაჭერის გუნდის აგენტები შენს დასახმარებლად სასწრაფოდ დაუკავშირდებიან შესაბამის ორგანოებს.
ტრანსპორტის პრობლემა
თუ ტრანსპორტთან დაკავშირებით პრობლემები გაქვს და შეკვეთები ვერ მიგაქვს.
წვიმს
აირჩიე ეს მიზეზი, თუ გსურს, ჩვენი მხარდაჭერის გუნდს გაუარესებული ამინდის შესახებ აცნობო.
გადაბმა
თუ შენთვის გადმოცემული შეკვეთის მიტანას რაიმე მიზეზით ვერ ახერხებ, შეგიძლია იგი გადააბა.
აირჩიე ეს ვარიანტი, თუ პროდუქტების აღების დროს პრობლემები გაქვს
პრობლემა ობიექტზე
ობიექტი დაკეტილია, არავინ დაგხვდა, ვერ პოულობ აღების მისამართს, ან გსურს, ობიექტზე შეკვეთის აღებისთვის დიდხნიანი მოცდის შესახებ განაცხადო და ა.შ.
პრობლემა შეკვეთაზე
თუ შეკვეთილი პროდუქტი ხელმიუწვდომელია, ობიექტს არ მიუღია შეკვეთის მზადების დაწყებისთვის საჭირო შეტყობინება, შეკვეთა შეცდომით სხვამ აიღო, შეკვეთის ტიპის ცვლილება გსურს („რაც გინდას“ შეცვლა „ექსპრეს გზავნილად“), ან ძალიან დიდი შეკვეთაა წასაღები.
პრობლემა გადახდაზე
თუ საბოლოო ფასი განსხვავდება აპლიკაციაში ნანახისგან, შეკვეთის გადასახდელად საკმარისი ნაღდი ფული არ გაქვს, ან შენი ბარათი არ მუშაობს.
თანამშრომლებთან დაკავშირებული პრობლემა აღების პუნქტზე
თუ ობიექტის თანამშრომლებმა შეკვეთის მომზადებაზე უარი განაცხადეს ან უხეშად მოგექცნენ.
აირჩიე ეს ვარიანტი, თუ პროდუქტების მიტანის დროს პრობლემები გაქვს
პრობლემა მომხმარებელთან
თუ მომხმარებელი შეკვეთის მისაღებად მიტანის მისამართზე არ იმყოფება, მომხმარებელს შეკვეთის მიღება არ სურს, ან ცუდ ქცევას გამოავლენ ან ივარაუდებ, რომ მომხმარებელი თაღლითობს.
პრობლემა გადახდაზე
თუ მომხმარებლის ბარათს პრობლემა აქვს, მომხმარებელს საკმარისი ნაღდი ფული არ გააჩნია, ან მომხმარებლისთვის დასაბრუნებელი საკმარისი ხურდა არ გაქვს.
მისამართის პრობლემა
აირჩიე ეს მიზეზი, თუ მიტანის მისამართი არასრული ან არასწორია, დაფარვის ზონას სცდება, ან ქალაქის საშიშ ნაწილშია.
მომხმარებლის თხოვნები
აირჩიე ეს ვარიანტი, თუ შეკვეთის შეცვლა გსურს მომხმარებლის თხოვნის შედეგად (მაგალითად: მიტანის მისამართის შეცვლა, პროდუქტების შეცვლა, შეკვეთაზე კომენტარის დამატება ან შეკვეთის გაუქმება).
აპლიკაციის პრობლემები შეკვეთის დროს
აირჩიე ეს ვარიანტი, თუ შეკვეთის დროს აპლიკაციას პრობლემა შეექმნა. მაგალითად, თუ შეკვეთის დეტალებს ვერ ხედავ ან ანგარიშფაქტურას ვერ ტვირთავ, შეკვეთას ვერ ასრულებ, GPS-თან დაკავშირებული პრობლემები გაქვს ან აპლიკაცია დაიბლოკა, ან მომხმარებელს ვერ უკავშირდები.
მხოლოდ იმ შემთხვევაში გამოიყენე ეს საკონტაქტო ფორმა, თუკი ანგარიში დაგებლოკა და ვერ იყენებ აპლიკაციას. სხვა შემთხვევაში, გთხოვთ, დაგვიკავშირდე აპლიკაციით.
