უსაფრთხოება შენთვის და გარშემომყოფებისთვის

გლოვერების ჯანმრთელობა ჩვენთვის ყველაზე პრიორიტეტულია, ამიტომ, ჯანდაცვის სამინისტროს რეკომენდაციების გათვალისწინებით, მივიღეთ შემდეგი ზომები, რომელიც მნიშვნელოვანია, რომ შეკვეთების მიტანის პროცესში აუცილებლად გაითვალისწინოთ! 🙂

უკონტაქტო მიტანა

თქვენი, მომხმარებლების, პარტნიორების და სხვა გლოვერების ჯანმრთელობისათვის, აუცილებლად დაიცავით შემდეგ წესები:

ყოველთვის დაიცავით 1 მეტრის მინიმალური უსაფრთხო დისტანცია პლატფორმასთან კოლაბორაციისას

ყოველთვის გეკეთოთ პირბადე და ხელთათმანები. გამოიყენეთ ანტიბაქტერიული ხსნარი ყოველი შეკვეთის აღებისა თუ მიტანისას.

ასევე, მოთხოვნების გათვალისწინებით, პარტნიორებს არ შეუძლიათ ობიექტიში პერსონალის გარდა სხვა პირების გაჩერება. მოგეხსენებათ, 10 და მეტი ადამიანის თავშეყრა დაუშვებელია როგორც შენობაში ასევე საჯარო სივრცეში.

პარტნიორ ობიექტზე ყოფნისას, დარწმუნდით, რომ ჩანთები შეკრულია და კონტაქტის ასარიდებლად მათთვის გამოყოფილ სპეციალურ ზედაპირზეა განთავსებული.

მომხმარებლის მისამართზე მისვლისას, დაუკავშირდით მას და შეკვეთა კართან დაუტოვეთ. კონტაქტის ასარიდებლად, მომხმარებლის ხელმოწერის ფუნქცია გაუქმებულია. ამ ახალი ცვლილების სანახავად დარწმუნდით, რომ აპლიკაციის უახლესი ვერსია გაქვთ. რაც შეეხება შეკვეთებს ნაღდი ფულით, თუ თვლით რომ თანხის გამორთმევა გიწევთ თქვენთვის უსაფრთხო წერტილიდან, აუცილებლად გამოიყენეთ ხელთათმანი, ჩარიცხეთ თანხა თქვენს ანგარიშზე, გადააგდეთ ხელთათმანი და შემდეგ, როდესაც ნაღდი ფულით მოგიწევთ გადახდა ხელახლა გამოიტანეთ, ასევე უსაფრთხოების ზომების დაცვით – ხელთათმანით, შემდეგ აუცილებლად დაიბანეთ ხელები.

ჰიგიენა და პრევენციული ზომები:

ხელების ხშირად დაბანა, ხელთათმანებისა და ალკოჰოლის შემცველი ხსნარის რეგულარული გამოყენება, ჰიგიენის დაცვის ძალიან კარგი მეთოდებია.ჯანდაცვის სამინისტროს მიერ გამოქვეყნებულ რეკომენდაციებზე დაყრდნობით, გვსურს გაგიზიაროთ ის ინფორმაცია, რაც რისკის მაქსიმალურად შემცირებაში დაგეხმარებათ. განსაკუთრებული ყურადღება გამოიჩინეთ ნაღდი ფულით გადახდისას.  პრევენციული ზომების მთლიან ჩამონათვალს გაეცანით ამ სტატიაში.

მხარდაჭერა დაინფიცირებულებს:

ჩვენ ვთვლით, რომ გლოვერის ჯანმრთელობა უმნიშვნელოვანესია. აღნიშნული მიზეზით, COVID-19-ით დაინფიცირებულ გლოვერებს ორკვირიანი გამოსაჯანმრთელებელი პერიოდის განმავლობაში ეკონომიკურ მხარდაჭერას გავუწევთ, ამისთვის საჭირო იქნება ოფიციალური დიაგნოზის წარდგენა. პროექტი ძალაშია დღეიდან  29 მარტამდე. თუ ასეთ მდგომარეობაში აღმოჩნდით, დაგვიკავშირდი მხარდაჭერის ჩეთით და გაგაცნობთ შემდეგ ნაბიჯებს

მეტი მოქნილობა:

თუ ვეღარ ახერხებთ პლატფორმასთან კოლაბორაციას, დაჯავშნილი საათების გაუქმებას, დაწყებამდე 24 საათის ნაცვლად, სამი საათით ადრე შეძლებთ. ასევე, გაუქმდა მაღალი მოთხოვნის საათები. სარეიტინგქო ქულაში მისი წილი ამ პერიოდში მაქსიმალურზე გექნებათ.

რატომ უნდა ჩავიტაროთ ვაქცინა? 

ვაქცინაცია სწორი არჩევანია COVID-19-სგან საკუთარი თავის, ოჯახისა და საზოგადოების დასაცავად. ვაქციანაცია ამცირებს დაინფიცირების, ავადობის და სიკვდილიანობის რისკს და პანდემიის შეჩერების ერთ-ერთი ყველაზე ეფექტური საშუალებაა.

საქართველოში არსებული რეგულაციების მიხედვით, ვაქცინაცია შესაძლებელია COVID-19-ის ინფექციის დადასტურებიდან 30 დღის შემდეგ. გამონაკლისს წარმოადგენენ პირები, რომლებიც COVID – 19 ინფექციის დროს მკურნალობდნენ კონვალესცენტური პლაზმით და პირები, რომლთაც მწვავე პერიოდში ჰქონდათ მულტისისტემური ანთებითი სინდრომი. (მინიმალური ინტერვალია 120 დღე).

პანდემიის შესაჩერებლად COVID-19-ის საწინააღმდეგო ვაქცინაციის პარალელურად აუცილებელია პრევენციული ზომების გაგრძელება: ნიღბის ტარება, სულ მცირე, 1 მეტრიანი დისტანციისა და ხელის ჰიგიენის დაცვა.

როგორ დავრეგისტრირდე ვაქცინაციისთვის

COVID-19-ის საწინააღმდეგო ვაქცინაციისთვის რეგისტრაცია შესაძლებელია ვებგვერდზე booking.moh.gov.ge ან ცხელ ხაზზე 1522. ვებ გვერდზე ასევე შესაძლებელია ჯავშნის რედაქტირება, გადავადება ან გაუქმება.

Glovo აგრძელებს ოპერირებას გლოვერების, მომხმარებლებისა და პარტნიორებისთვის. ჩვენ გჯერა ერთმანეთზე ზრუნვის, ერთობლიობის ძალის. ყველამ უნდა გამოვიჩინოთ მაღალი მოქალაქეობრივი პასუხისმგებლობა და ერთობლივად ვიმოქმედოთ.  დიდ მადლობა, რომ არსებული მდგომარეობის დაძლევისთვის, შრომობთ და ამ პროცესის თანამომაწილეები ხართ!