როგორც უკვე იცი, აპლიკაცია გაძლევს შესაძლებლობას, რომ შეასრულო დაჯგუფებული შეკვეთები. ამ დრომდე მხოლოდ ერთი და იგივე ობიექტის, ან აღების წერტილის მქონე დაჯგუფებული შეკვეთების შესრულება შეგეძლო, ახლა კი შესაძლებელი გახდა ორი განსხვავებული აღების წერტილიდან შეასრულო. გახსოვდეს, დაჯგუფებული შეკვეთების რაოდენობა უცვლელია და 2-ზე მეტს არ მიიღებ.
განვიხილოთ ორი შემთხვევა, როგორ მუშაობს დაჯგუფებული შეკვეთების ახალი პროცედურა:
ორი განსხვავებული ობიექტიდან ერთდროულად მიიღებ დაჯგუფებულ შეკვეთას.
დაჯგუფებულ შეკვეთას მიიღებ ნაწილ-ნაწილ. მეორე შეკვეთა შემოგივა პირველის მიღების შემდეგ, შეკვეთის აღებულად მონიშვნამდე.
ახლა მოგიყვები, თუ როგორ წარიმართება შეკვეთების მსვლელობის პროცესი:
აპლიკაციაში გამოგიჩნდება, თუ რომელ აღების წერტილზე უნდა მიხვიდე პირველად.
მას შემდეგ რაც აიღებ შეკვეთას პირველი ობიექტიდან, შეგიძლია გადაინაცვლო მეორე ობიექტზე. აპლიკაცია ავტომატურად დაარეგულირებს შეკვეთის წონას, შესაბამისად არ შეგექმნება ხარვეზი დიდ შეკვეთებთან დაკავშირებით.
ორივე შეკვეთის აღების შემდეგ, აპლიკაცია გიჩვენებს პირველი მომხმარებლის მისამართს, შემდგომ მეორის. გახსოვდეს, გადაამოწმო, ნამდვილად სწორ შეკვეთას გადასცემ თუ არა მომხმარებლებს.
