მარგარიტა ერთი წელი კურიერად მუშაობდა ბარსელონაში, როცა, 2021 წლის ივლისში, შეუერთდა საპილოტო პროგრამა „სტარტს“, რომელიც Glovo-მ წამოიწყო ესპანეთში, Impact Hub-თან ერთად. ქალაქის კურიერებისთვის გამიზნული პროგრამა შედგებოდა ერთკვირიანი ტრენინგისგან, რომლის ფარგლებში სხვადასხვა სფეროს ექსპერტებმა სტუდენტებს გააცნეს სამეწარმეო სამყაროს ძირითადი ასპექტები ფინანსების, ლოგისტიკისა და მარკეტინგის კუთხით.

პროგრამის შემდეგ, მარგარიტამ გამოიყენა ყველაფერი, რაც ისწავლა და იმავე წლის ოქტომბერში თავისი ბიზნესი გახსნა — საკვებისა და სახლის მოვლის საშუალებების სუპერმარკეტი ბარსელონაში, მალიორკას ქუჩაზე სენ მარტის რაიონში. სახელწოდებასთან დაკავშირებით, იგი ამბობს:

“Menta y Limón” არის სახელი, რომელიც ჩემს ბიზნესს შევურჩიე. ცოტა უცნაურად ჟღერს, თუმცა, იმიტომ ავარჩიე, რომ პიტნა მიყვარს და გამოხატავს იმ ხალისსა და ენთუზიაზმს, რითაც დავიწყე ჩემი ბიზნესი. ამავე დროს, როცა რაღაცას შეუდგები, აცნობიერებ, რომ ყველაფერი არც ისე მარტივი იქნება და სწორედ ამას დავუკავშირე ლიმონი, თავისი მკვეთრი არომატით“.

დღეს, მარგარიტა დროდადრო აგრძელებს გლოვერად მუშაობას, ხოლო თავის ბიზნესში ამჟამად მიტანის მომსახურებას ნერგავს, ასევე, Glovo-ზე მუშაობის პარალელურად. იგი ღიმილით ამბობს:

„ახლა უკვე საკუთარი ბიზნესისთვის ვმუშაობ და შემიძლია ვთქვა, რომ მიზანს მივაღწიე“.