„რამდენიმე წლის წინ, როდესაც ზაქარიამ პირველი შეკვეთა მიიტანა მომხმარებელთან, მან უკვე იცოდა, რომ მისი ყოველდღიური ცხოვრება არასოდეს იქნებოდა მოსაწყენი. სიცოცხლით სავსე ქალაქის რესტორნებში, სუპერმარკეტებში, ოფისებსა და ბინებში სიარული მას სულ უფრო და უფრო აახლოებს ადამიანების რეალურ ცხოვრებასთან. ეს მისი ქალაქის სარკეა. ერთ დღესაც, როცა შეკვეთა მიიტანა და უკან ბრუნდებოდა, მას ისეთი რამ გადახდა, რაც არასოდეს დაავიწყდება“

„შეკვეთა მივიტანე და უკან ვბრუნდებოდი, როცა ქუჩაში ქალის პატარა ჩანთა ვიპოვე. ვიღაცას ფულით სავსე ჩანთა დაეკარგა, რომელშიც, ასევე, იდო პირადობის მოწმობა და საბანკო ბარათები“

ზაქარიას წარმოდგენაც არ სურდა, თუ რას განიცდიდა ქალბატონი, რომელსაც აღნიშნული ჩანთა დაეკარგა. და პატრონის მოძებნა გადაწყვიტა.

„როდესაც პირადობის მოწმობა ვნახე, შევნიშნე, რომ მფლობელის საცხოვრებელი მისამართი ახლოს იყო. არც კი გამომიცვლია, პირდაპირ მის სახლთან მივედი და კარზე დავაკაკუნე“

ქალს ძალიან გაუკვირდა, როცა კართან გლოვერი დაინახა და განაცხადა, რომ არაფერი შეუკვეთავს. ზაქარიას ამაზე გაეღიმა, რადგან როგორც კი დაკარგული ჩანთა გამოაჩინა, ქალბატონს მხრებიდან, თითქოს, დიდი ტვირთი მოეხსნა. პირადობის გადამოწმების შემდეგ, ქალბატონმა ჩანთა სიხარულით მიიღო.

„თავს ბედნიერად ვგრძნობდი, რომ ამ პატარა საქციელით ადამიანის გაბედნიერება შევძელი. მიხარია, რომ გლოვერების რეპუტაციის ამაღლებას შევუწყვე ხელი“