Მართვის მოწმობის თეორიული ნაწილი
გვსურს გაგიზიაროთ უახლესი ინფორმაცია ახალ რეგულაციასთან დაკავშირებით – მოტოების/მოპედების რეგისტრაციასა და მართვის მოწმობის შესახებ . მნიშვნელოვანია, რომ ეს პროცესი იყოს მაქსიმალურად მარტივი და მოქნილი გლოვერებისთვის, შსს-სთან მოლაპარაკების შედეგად, გაცნობებთ რომ Glovo-ს პარტნიორი კურიერებისთვის მხოლოდ თეორიული ნაწილის ჩაბარება იქნება საჭირო
თეორიის ტესტის ჩაბარება გამარტივებული ფორმით მოგიწევთ – 900 ბილეთის ნაცვლად, კითხვები 300 ბილეთიდან იქნება. 20 კითხვიდან 18 სწორი პასუხია საჭირო ?
ბილეთების სანახავად ? დააჭირე აქ ?
ასევე, გექნებათ შესაძლებლობა მართვის მოწმობის ასაღებ პუნქტში გამოცდაზე ისარგებლოთ ურიგო შესვლით.
მნიშვნელოვანია: თეორიის გამოცდაზე გასვლისთვის, საჭიროა თქვენი ტრანსპორტი უკვე იყოს დარეგისტრირებული
თუ თქვენი მოპედი 28 მარტის შემდეგ არის დარეგისტრირებული ან ჯერ კიდევ არ დაგირეგისტრირებიათ, გამოცდაზე გასვლისას დაგჭირდებათ 2 მოწმე (ნებისმიერი პირი), ვინც დაამოწმებს რომ გამოცდაზე გამსვლელის მფლობელობაშია ტექპასპორტში აღნიშნული ტრანსპორტი 3 თვეზე მეტი ხნის განმავლობაში. Სხვა შემთხვევაში კი ჩვეულებრივ შეძლებთ გამოცდაზე გასვლას ყველა პირობის დაცვით. შეღავათი მოქმედებს 6 ივნისამდე,
საჭირო დოკუმენტები ადგილზე წარსადგენად:
- პირადობის დამადასტურებელი მოწმობა;
- ჯანმრთელობის მდგომარეობის შესახებ ცნობა (ფორმა IV 100/ა);
- ტრანსპორტის რეგისტრაციის საბუთი
- სმს შეტყობინება თეორიული გამოცდის რიგის დაჯავშნის შესახებ.
* თეორიულ გამოცდაზე გასვლის საფასური: 40 ლარი ;
* მართვის მოწმობის დამზადების საფასური: 15 ლარი .
ახალი კანონპროექტი ძალაში შედის
- დაარეგისტრიროთ ტრანსპორტი – აიღონ სახელმწიფო ნომრები
- ამის გაკეთება შესაძლებელია, მომსახურების სააგენტოს ნებისმიერ ფილიალში საქართველოში (მათ შორის, ყველა ქალაქში, სადაც Glovo ოპერირებს, გარდა სენაკი/ბაკურიანის).
- Greenway ტექინსპექტირების ცენტრებში.
- PTI ტექინსპექტირების ცენტრებში
- აიღოთ მართვის მოწმობა A1 / AM კატეგორია.
- ნებისმიერი კატეგორიის მართვის მოწმობის შემთხვევაში ავტომატურად შეძლებათ ამ კატეგორიის ტრანსპორტის მართვა.
- თუ არანაირი მართვის მოწმობა არ გაქვთ, მაშინ საჭიროა მხოლოდ თეორიულ გამოცდაზე სადაც ნაცვლად 800 ბილეთისა, საგამოცდო კითხვები მოვა 300 ბილეთიდან.
- პრაქტიკული გამოცდა მითითებულ კატეგორიებს არ სჭირდება.
სად და როგორ ხდება ტრანპორტის დარეგისტრირება?
მოპედების რეგისტრაცია განახორციელებს გრინვეი საქართველოს თბილისის 11 ცენტრი პირველ ეტაპზე. თან უნდა იქონიოთ პირადობის მოწმობა, განმცხადებელი ავსებს სავალდებულო სარეგისტრაციო ფორმას და აწერს მას ხელს.
7 დეკემბრიდან 1 მარტამდე მოპედების რეგისტრაცია ნებაყოფლობითია და საფასური იქნება 40 ლარი. ხოლო 1 მარტის შემდეგ რეგისტრაცია იქნება სავალდებულო, მაგრამ იმოქმედებს საშეღავათო პერიოდი საფასური იქნება კვლავ 40 ლარი, ხოლო 28 მარტიდან საფასური გახდება 60 ლარი
გაითვალისწინეთ, რომ გადახდა ხდება მხოლოდ ბარათით.
გრინვეის ტრანსპორტის რეგისტრაციის მისამართები თბილისში:
ზაჰესი, მშვიდობის ქუჩა N 104
გლდანი, ხიზანიშვილის ქუჩა N57
ფეიქართა ქუჩა, მტკვრის მარცხენა სანაპირო
დიდუბე-ჩუღურეთის რაიონი, ელიავას მიმდებარედ, რაფაელ აგლაძის 25
ბელიაშვილი, ნოდარ ბოხუას ქუჩა N1
დავით აღმაშენებლის ხეივანი N 164
ვაკე-საბურთალო, უნივერსიტეტის ქუჩა N6
ისანი, ბერი გაბრიელ სალოსის ქუჩა N175ა
ვარკეთილი, ვიქტორ კუპრაძის ქუჩა N64
კახეთის გზატკეცილი N 103
კახეთის გზატკეცილი N 147
Რატომ უნდა დავარეგისტრიროთ ტრანსპორტი ახლავე?
მოპედის დროულად დარეგისტრირება თავიდან აგარიდებთ რიგებს, რომელიც მნიშვნელოვან როლს ასრულებს თქვენს დღის განრიგში. ამასთანავე, თანხის გადახდა მოგიწევთ 60 ლარის ნაცვლად 40 ლარის. რაც მთავარია, მარტის თვიდან შეუფერხებლად იმოძრავებთ ქალაქში.
Რა მოხდება თუ ტრანსპორტს არ დავარეგისტიტრებთ მარტამდე?
იმ შემთხვევაში თუ მარტამდე არ მოხდება აღნიშნული სატრანსპორტო საშუალების რეგისტრაცია და მძღოლს არ ექნება AM კატეგორიის მართვის მოწმობა, საპატრულო სამსახურის მიერ გათვალისწინებულია სანქცია 250 ლარის ოდენობით.
