დასაჯავშნი კალენდარი ხელმისაწვდომია კვირაში ორჯერ:
- ორშაბათობით შეგიძლია დაჯავშნო შაბათ-კვირის საათები
- ხუთშაბათობით შეგიძლია დაჯავშნო საათები მომდევნო კვირის დასაწყისისთვის.
ყოველთვის მიიღებ შეტყობინებას, რომელიც შეგახსენებს, რომ შენი საათების აღება შეგიძლია (შეტყობინებას არ მიიღებ, თუ აპლიკაციაში უკვე შესული ხარ).
შეგიძლია თანამშრომლობის საათები დაჯავშნო Glover აპლიკაციის კალენდრის განყოფილებიდან. ხელმისაწვდომი საათები თეთრად გამოჩნდება, ხოლო შევსებულები — ნაცრისფრად. ამისთვის საჭიროა, უბრალოდ დააჭირო ხელმისაწვდომ საათებზე, რომელთა განმავლობაშიც გსურს მუშაობა და ისინი გამწვანდება, რაც იმას აღნიშნავს, რომ წარმატებით დაიჯავშნა. (გაითვალისწინე, რომ ბოქლომის სიმბოლოთი აღნიშნული საათების გაუქმება არ შეგიძლია).
კალენდარი, პირველ რიგში, იმ გლოვერებისთვის იხსნება, რომლებსაც ყველაზე მაღალი მასტერ რეიტინგის ქულა აქვთ.
თუ ახალი გლოვერი ხარ, მასტერ რეიტინგის ქულა არ გექნება იქამდე, სანამ 50 შეკვეთას არ შეასრულებ.
როდესაც შეკვეთების მიტანას დაიწყებ, შენი მასტერ რეიტინგის ქულა გამოითვლება, თუმცა გავლენა ჯერ არ ექნება. სხვაგვარად რომ ვთქვათ, საათების დაჯავშნას შეძლებ შენს ქალაქში არსებული სხვა ჩვეულებრივი გლოვერივით. მაგრამ, როგორც კი 50 შეკვეთას შეასრულებ, შენი მასტერ რეიტინგის ქულა ძალაში შევა. შენი მასტერ რეიტინგის ქულის გადამოწმებას შეძლებ პროფილიდან (აპლიკაციაში) და შენი ქულის მიხედვით შეგეძლება საათების დაჯავშნა.