დაჯგუფებული შეკვეთები შექმნილია შენი დაჯავშნილი საათების განმავლობაში ეფექტურობის მოსამატებლად და ქალაქში უფრო მოქნილი მიტანების შესასრულებლად. მარტივად რომ ვთქვათ, ერთი და იმავე პარტნიორისგან ერთდროულად ორი შეკვეთის წამოღებისა და სხვადასხვა მომხმარებელთან მიტანის შესაძლებლობას გაძლევს.
შესაძლოა დაჯგუფებული შეკვეთა ორი სხვადასხვა გზით მიიღო:
თავიდანვე იღებ დაჯგუფებულ შეკვეთას.
იღებ ერთ შეკვეთას, თუმცა სანამ პარტნიორისკენ მიემართები, იგი დაჯგუფებულ შეკვეთად გარდაიქმნება. ასეთ შემთხვევაში, შეტყობინებას მიიღებ.
გაითვალისწინე! დაჯგუფებული შეკვეთის ინდივიდუალურად გადაბმა შეუძლებელია. თუ მიიღებ, ორივე შეკვეთის მიტანა მოგიწევს.
არ დაგავიწყდეს ქვითრის აღება და ატვირთვა ორივე შეკვეთისთვის (მომხმარებლის სახელი და შეკვეთის ნომერი უნდა ემთხვეოდეს ქვითარს). წონაზე ნუ იდარდებ! აპლიკაცია ზრუნავს, რომ დაჯგუფებულმა შეკვეთამ არ გადააჭარბოს წონის შეზღუდვას და მათი ზურგჩანთით გადატანა უპრობლემოდ შეძლო.
თუ რომელიმე ობიექტის წარმომადგენელი გეტყვის, რომ მეორე შეკვეთა დაახლოებით 10 წუთში იქნება, გირჩევთ, დაუკავშირდე მხარდაჭერის გუნდს. ისინი გადაამოწმებენ და თუ საჭიროა, დააცალკევებენ შეკვეთას.
აპლიკაცია გაჩვენებს, პირველ რიგში, მიტანის რომელი ადგილისკენ უნდა გაემართო. გთხოვთ, დარწმუნდე, რომ მომხმარებელს სწორ შეკვეთას გადასცემ. ეფექტურობის გასაზრდელად, პირველი მიტანის ადგილი ყოველთვის მეორისკენ მიმავალ გზაზეა.
თუ მომხმარებელი გკითხავს დაჯგუფებული შეკვეთის შესახებ, უპასუხე, რომ დამატებითი ინფორმაციისთვის შეუძლია დაუკავშირდეს მხარდაჭერის გუნდს.
გაფრთხილება! შესაძლოა რომელიმე შეკვეთა გაუქმდეს. ასეთ შემთხვევაში, მიიღებ შეტყობინებას იმის შესახებ, თუ რომელი შეკვეთა გაუქმდა. მეორე შეკვეთა ჩვეულებრივ გაგრძელდება.
- დაჯგუფებული შეკვეთის მიტანისას, ორივე შეკვეთა აისახება შენს მასტერ რეიტინგის ქულაზე.
- შეკვეთა შეიძლება დაიწყოს დაჯგუფებულად ან შეიძლება დაჯგუფდეს მაშინ, როცა პარტნიორისკენ მიემართები. ორივე შემთხვევაში, შეტყობინებას მიიღებ.
- შესაძლოა რომელიმე შეკვეთა გაუქმდეს. ასეთ შემთხვევაში, მიიღებ შეტყობინებას იმის შესახებ, თუ რომელი შეკვეთა გაუქმდა. მეორე შეკვეთა ჩვეულებრივ გაგრძელდება.
- დაჯგუფებულ შეკვეთებს უფრო მაღალი ეკონომიკური კომპენსაცია გააჩნია და საათობრივ შემოსავალს გაგიზრდის. აგრეთვე, დამატებით კომპენსაციასაც მიიღებ!
