სარეიტინგო ქულა შეიქმნა გლოვერის, როგორც დამოუკიდებელი პროფესიონალის, რეპუტაციის შეფასებისთვის, რომელიც დაფუძნებულია ისეთ კრიტერიუმებზე, როგორიცაა მომხმარებლის შეფასება, პარტნიორების მიერ დადგენილი მაღალი მოთხოვნის საათების დროს შეკვეთების მიტანა და სხვა ცვლადები, რაც დეტალურადაა აღწერილი მომდევნო განყოფილებაში.
შეფასების სისტემა შექმნილია იმისთვის, რომ განისაზღვროს, რომელ გლოვერებს შეუძლიათ პლატფორმაში საათებზე წვდომის ქონა. იგი პარტნიორებსა და მომხმარებლებს საშუალებას აძლევს, შეაფასონ გლოვერები, გაზარდონ მათი რეპუტაცია და მიანიჭონ პირველადი წვდომა კალენდარში არსებულ საათებზე.
შესაბამისად, მასტერ რეიტინგის ქულა გლოვერს აძლევს საათებზე წვდომას კლებადი თანმიმდევრობით, მაღლიდან დაბლა.
აქამდე, მასტერ რეიტინგის ქულა იყო რიცხვი 1-დან 100-მდე და გლოვერებს მინიმუმ 50 შეკვეთის მიტანა ესაჭიროებოდათ მისი გააქტიურებისთვის.
წინა ფორმულა ცვლადების 3 ჯგუფისგან შედგებოდა:- პარტნიორები (მაღალი მოთხოვნის საათები და პარტნიორების შეფასებები)
- მომხმარებლების შეფასებები
- ქცევა პლატფორმაზე (ეფექტურობა და სტაჟი)
თუმცა, პარტნიორებისგან მიღებული გამოხმაურების თანახმად, ეს სისტემა გლოვერების შეფასებისთვის ნაკლებად ეფექტური და სანდო იყო. გლოვერები ერთ ქულაზე იყვნენ გაჩერებულები, მათი მომსახურების დონის გაუმჯობესების მიუხედავად.
პარტნიორებისა და გლოვერების მოთხოვნის შესაბამისად, ცოტა ხნის წინ მოხდა ფორმულის ხელახლა შედგენა, იმისთვის რომ უკეთესად აისახოს ცვლილებები პარამეტრებში და გლოვერების გაუმჯობესებული მომსახურება შეკვეთების მიტანისას. ამიერიდან, მასტერ რეიტინგის ქულა შედგება 0-დან 5-მდე ციფრისგან და იგი გაითვალისწინებს ქვემოთ მოცემულ პარამეტრებს. ყველა პარამეტრს განსხვავებული დატვირთვა აქვს, რომელიც დამოკიდებულია ქალაქზე, მომხმარებლებისა და პარტნიორების სხვადასხვა მოთხოვნის გათვალისწინებით.
განახლებული ფორმულა, ქულის მასშტაბისა და შეფასების სისტემის ცვლილების გარდა, უფრო მგრძნობიარეა ცვლილების მიმართ და უკეთესად გადმოსცემს, თუ რამდენად პროფესიონალურად აღიქმება გლოვერის მომსახურება პლატფორმაში ჩართული სხვადასხვა მხარის მიერ.
107
16
